کے انتہائی گہرے رشتوں میں بندھے ہوئے ہیں‘ یہ وہ الفاظ ہیں جو دہائیوں سے دونوں ممالک کے سربراہان متعدد بار دہرا چکے ہیں۔ اور شاید یہ ہی وجہ ہے کہ جب بھی پاکستان کو اندرونی معاشی یا سیاسی عدم استحکام کا سامنا ہوا تو اس نے سب سے پہلے سعودی عرب سے مدد طلب کی۔ چاہے وہ جنرل ضیاالحق کے دور آمریت میں ذوالفقار علی بھٹو کی پھانسی کا معاملہ ہو یا نوے کی دہائی میں ایٹمی دھماکوں کے بعد پاکستان کو درپیش معاشی بحران یا پھر جنرل مشرف کی ڈکٹیٹرشپ کے دور میں اس وقت کے وزیر اعظم نواز شریف کو سعودی عرب کی مداخلت کے بعد رہائی کا پروانہ ملنا ہو۔ سعودی عرب نے ہمیشہ سیاسی و معاشی بحران میں مبتلا پاکستان کی مدد کرنے کی کوشش کی۔
سات دہائیوں سے قائم یہ دو طرفہ تعلقات میں پاکستان کے لیے سعودی عرب کی اہمیت کی متعدد وجوہات سامنے آئیں ہیں جن میں سب سے پہلی اور اہم مذہبی طور پر سرزمین حجاز سے عقیدت و محبت اور بیت اللہ کا ہونا ہے۔ جبکہ دیگر میں پاکستان کو سستا تیل مہیا کرنا، مالی معاونت کرنا، اندرونی سیاسی بحران میں ثالثی کا کردار ادا کرنے کے ساتھ متعدد معاملات پر بین الاقوامی سطح پر پاکستان کا ساتھ دینا۔ مگر پاکستان، جس کے پاس نہ تو تیل ہے اور نہ ہی مضبوط معیشت، ایسے میں سعودی عرب کے لیے کیوں اہم ہے؟ اس سوال کا جواب ڈھونڈنے نکلیں تو بہت سے دلچسپ حقائق سامنے آتے ہیں۔![]()
