مفتی ہوں کوئی دہشت گرد تو نہیں

May 10, 2015, 2:10 am

≫ Next: غار حرا پر ایک شام

≪ Previous: نانی قتل ہو گئی...وسعت اللہ خان

بھارتی ریاست گجرات کے اکشردھام مندر پر ہونے والے شدت پسند حملے کے الزام میں 11 سال تک جیل کی سزا کاٹنے کے بعد مفتی عبدالقیوم کو گذشتہ سال بری کردیا گیا۔
سپریم کورٹ نے انھیں بے قصور قرار دیتے ہوئے باعزت بری کیا۔

مفتی عبدالقیوم بتاتے ہیں کہ ان 11 سالوں میں ایک وقت ایسا بھی آیا جب ان کی اہلیہ نے خودکشی کی کوشش کی تھی۔
گذشتہ دنوں دہلی میں مفتی قيوم کی کتاب ’11 سال سلاخوں کے پیچھے‘ کی تقریبِ رونمائی ہوئی اور اس موقعے پر بی بی سی کے اقبال احمد نے مفتی قيوم سے بات کی۔

مفتی عبدالقیوم نے کہا: ’اگر میری اس کتاب کے بعد کوئی ایک آدمی بھی ظلم کا شکار ہونے سے بچ جائے تو میں سمجھوں گا کہ مجھے سب کچھ مل گیا۔
’مجھے اللہ پر ہمیشہ ہی یقین اور ایمان رہا۔ سپریم کورٹ پر بھی مجھے اعتماد تھا۔ اس لیے میں نے پہلے سے ہی کئی چیزیں نوٹ کرکے رکھی تھیں۔

انھوں کہا کہ انھیں کئی بار ایسا بھی محسوس ہوا کہ انھیں مار دیا جائے گا۔ انھوں نے کہا کہ ایک بار انھیں ’انکاؤنٹر‘ کے لیے بھی لے جایا گیا تھا۔
انھوں نے اپنے مقدمے کے بارے میں کہا: ’استغاثہ کے پاس اقتدار ہے طاقت ہے لیکن ان کا سارا کیس الجھا ہوا ہے۔۔۔ انھوں نے بار بار لکھا ہے۔۔۔اس کے کچھ دنوں بعد۔۔۔اس کے کچھ دنوں بعد۔۔۔کہیں کسی تاریخ کا کوئی ذکر نہیں ہے۔ لیکن میں نے ساری باتیں تاریخ کے ساتھ لکھی ہیں۔

میں نے ساری چیزیں تاریخوں کے حساب سے ذہن نشین رکھیں کہ اگر رہا‏ئی ملی تو میں حقیقت حال لکھوں گا اور اس تحریر کے پس پشت میرا ایک ہی مقصد تھا کہ آئندہ کسی کے ساتھ ایسا ظلم یا ناانصافی نہ ہو۔

پولیس اور انتظامیہ کے ساتھ اپنے تجربے کا ذکر کرتے ہوئے انھوں نے کہا میرے ساتھ جانوروں سا سلوک کیا گیا اور ذہنی ٹارچر کیا گیا۔ میری بیوی نے خودکشی کی کوشش کی، میرے ذہن میں بھی کئی بار خودکشی کا خیال آيا۔

ناانصافی کا ذکر کرتے ہوئے انھوں نے کہا: ’سوراشٹر کا ایک غریب ہندو قیدی تھا، جسے ساڑھے چھ سو گرام اناج چوری کرنے کے جرم میں 10 سال کی سزا دی گئی تھی اور اس کے پاس اتنے پیسے نہیں ہیں کہ وہ ہائی کورٹ یا سپریم کورٹ سے انصاف کا مطالبہ کرے اور بری ہو جائے۔
ان کے مطابق گجرات میں ایک قبائلی کو صرف 50 روپے کی لوٹ کے لیے 38 سال تک جیل میں رہنا پڑا تھا۔

انھوں نے کہا کہ ناانصافیوں کا شکار صرف مسلمان ہی نہیں بلکہ غیر مسلم بھی ہیں۔
میرے معاملے میں تو سپریم کورٹ نے داخلہ سکریٹری اور حکومت کو پھٹکار بھی لگائی ہے اور میں سمجھتا ہوں کہ یہ قیامت تک ایک مثال رہے گی۔
انھوں نے کہا: ’ہم نے پہلے بھی کوئی غلط کام نہیں کیا تھا، ہم تو گودھرا کانڈ کے بعد اجڑے ہوئے مسلمانوں کی امداد اور انھیں سہارا دینے کے لیے کام کر رہے تھے۔

اس دوران بھی ہم نے کوئی غلط کام نہیں کیا اور آگے بھی نہیں کریں گے۔ ہم مفتی ہیں کوئی دہشت گرد تو نہیں۔ ہم قانون کے دائرے میں رہ کر اپنے حق کی لڑائی لڑیں گے۔

بشکریہ بی بی سی اردو

↧

غار حرا پر ایک شام

May 11, 2015, 12:34 am

≫ Next: کیا ہے تو نے متاعِ غرور کا سودا

≪ Previous: مفتی ہوں کوئی دہشت گرد تو نہیں

میں پہلی بار 1988ء میں جبل نور اور غار حرا پر گیا ۔27سال بعد گزشتہ ہفتے جب دوبارہ گیا تو راستے کی صورتحال بہت مختلف تھی۔ 1988ء میں جبل نور کے آغاز سے غار حرا تک پہاڑ پر چڑھنے کیلئے نہ تو کوئی باقاعدہ راستہ اور نہ ہی کوئی پگڈنڈی، زیگ زیگ طریقہ سے با ہمت افراد ہی سنگریزوں اورچٹانی پتھروں پر قدم رکھ کر یہ مسافت طے کرسکتے تھے۔ راہنمائی کیلئے چٹانوں پر تیر کے نشان پینٹ کئے ہوئے تھے۔ اب صورتحال مختلف ہے زائرین کی آسانی کیلئے تقریباً 1300 سیڑھیاں بنائی گئی ہیں۔راستے میںنصف درجن مقامات پر سستانے کیلئے چھتریاں اور بینچ رکھے ہوئے ہیں۔دو جگہوں پر بقالوں (ٹک شاپس) سے مشروبات ،چائے بسکٹ اور پھل خریدے جا سکتے ہیں۔

جبل نور کے راستے میں بلیاں، بندر اور درجنوں فقیر زائرین کو خوش آمدید کہتے ہیں۔ فقیروں میں اکثریت پاکستانیوں کی ہے۔ جن کا زیادہ تر تعلق صوبہ سندھ جنوبی پنجاب اور آزاد کشمیر سے ہے ۔ ان میں شاید ہی کوئی ایسا ہو جو یہاں کا اقامہ رکھتا ہو، ان فقیروں کا کہنا ہے کہ جب کبھی شرطے (سعودی پولیس)پکڑنے آتے ہیں تو ہم جبل حرا کی دوسری جانب بھاگ جاتے ہیں۔ غیر قانونی طور پر مقیم یہ لوگ دن رات جبل حرا پر ہی رہتے ہیں۔

یہی لوگ راستے کی مرمت اور صفائی کا اہتمام بھی کرتے ہیں۔ جبل نوربیت اللہ سے تین کلو میٹر شمال مشرق کی جانب ہے۔جبل نوربظاہر یہ ایک عام سا پہاڑ ہے لیکن اس پہاڑ کو وہ تقدس ملا کہ کوئی ثانی نہیں۔یہ سارا پہاڑ چٹیل ہے ۔ پتھر ہی پتھر ہیں۔نہ کوئی بوٹا نہ آبادی۔جبل نورپر چڑھنے کا راستہ صرف مشرقی سمت ہے باقی تمام اطراف سے یہ پہاڑ عمودی شکل کا ہے۔ ایک دشوار گزار اور کٹھن کوہ پیمائی کے بعدہی زائر غار حرا پر پہنچتا ہے۔ ایک نوجوان یہ مسافت تقریباً پون گھنٹے میں اور عمر رسیدہ افراد یہ مسافت سوا گھنٹے میں طے کرلیتے ہیں۔

زائرین کی سہولت کیلئے اب غار حرا کے راستے میں تقریباً تیر سو سیڑھیاں بنا دی گئی ہیں۔ زائرین غار حرا کو اس بات کا علم ہونا چاہئیے کہ جبل حرا کے کچھ حصے میں بندروں کی بڑی تعداد ہے۔زائرین انہیں پانی اور خوراک ڈالتے رہے ہیں اس وجہ سے وہ ہر زائر سے یہ توقع کرتے ہیں کہ انہیں کچھ کھانے کو ملے بعض اوقات یہ بندر زائرین پر حملہ کر کے انکے ہاتھوں سے موبائل فونز ، پرس وغیرہ چھین لیتے ہیں اس لیے ہاتھوں میں چھڑی ہو تو آپ اپنی حفاظت بہتر طور پر سکتے ہیں۔ سطح سمندر سے دو ہزار فٹ بلند جبل نور کے دامن میں پہلے آبادی نہ تھی۔ اب یہاں بستی بس چکی ہے۔ ماضی کا منظر اب تصوراتی حیثیت اختیار کر گیا ہے۔ اس کا دامن پھیلا ہوا ہے لیکن اٹھان اونچائی کی طرف ہے۔
اس پہاڑ پر ایک تفکر کا سماں چھایا ہوا محسوس ہوتا ہے۔

پیغمبران کرام کی زندگی میں پہاڑوں کی اہمیت بڑی نمایاں رہی ہے۔موسیٰ علیہ السلام کوہ طورپر اللہ تعالی سے ہمکلام ہوئے۔عیسیٰ علیہ السلام کی زندگی میں کوہ زیتون اہم ہے۔ نوح علیہ السلام کا سفینہ کوہ جودی پر ٹھہرا۔ حضرت آدم علیہ السلام اور حضرت حوا علیہ السلام کی ملاقا ت میدان عرفات کے پہاڑ جبل رحمت پر ہوئی۔کوہ صفا اور مروا حضرت ابراہیم حضرت اسماعیل اور حضرت ہاجرہ سے نسبت رکھتے ہیں۔ قرآن پاک نے ان پہاڑوں کو شعائر اللہ کے خطاب سے نوازہ ہے۔

جبل نورکی غار حرا میں محمدرسول اللہؐ کو نبوت عطا ہوئی ، جبل ثورنے رسول پاکؐ کو پناہ دی اور جبل احد سے حضورؐ کو خصوصی لگائو تھا۔ دنیا کے پہاڑوں میں اللہ کے نور کی تجلیوں کے دو ہی مقام ہیں۔ ایک جگہ پر اللہ کے نور کی تجلی لحظہ بھر کیلئے ہوئی حضرت موسیٰ بے ہوش ہو گئے اور پہاڑ سرمہ بن گیا۔ دوسری جگہ جبل نور کی غار حرا ہے جو اللہ کی تجلی سے سرمہ ہونے کی بجائے کندن بن گئی۔ توریت میں ہے کہ اللہ تعالیٰ سینا سے آیا۔ساعیر سے چمکا اور فاران سے سر بلند ہوا۔ سینا سے مراد حضرت موسیٰ علیہ السلام کی دعوت ہے، ساعیر سے مراد دعوت عیسیٰ علیہ السلام ہے اور فاران سے مراد حضورؐ کی دعوت حق ہے۔

غار حراجبل نور کی چوٹی پر نہیں بلکہ جبل نور کی چوٹی پر پہنچنے کے بعد مغرب کی جانب نیچے کی طرف ڈیڑھ سو قدم نیچے کی طرف سفر کرنا پڑتا ہے۔ غار حرا کے قریب راستے کو چٹانی تختوں نے قریباً بند کر رکھا ہے۔ یہاں پہاڑ 85 درجے کا زاویہ بناتا ہوا دیوار کی طرح عمودی بن جاتا ہے۔ غار حرا تک پہنچنے کیلئے اس تنگ راستے سے گزرنا لازم ہے۔ کوئی بھی شخص جسم کو سمیٹے اور سکیڑے اور گھسیٹے بغیر اندر نہیں جا سکتا۔ غار پہاڑ کی اندر نہیں بلکہ اسکے پہلو میں قریباً خیمے کی شکل میں ذرا باہر کو ہٹ کر ہے۔ غار کی لمبائی دو سوا دو میٹر ہے اور اونچائی آگے کو بتدریج کم ہوتی گئی ہے۔ پچھلے حصے کی طرح سامنے کا حصہ بھی کھلا ہے ۔ غار کا رخ ایسا ہے کہ تمام دن میں سورج کی دھوپ اندر نہیں آ سکتی۔غار حرا ایک عام غار کی مانند مکمل طور پر بند اور ہوا کے عاری مقام نہیں ہے بلکہ یہ غار کئی پتھروں کے باہم جڑنے سے بنی ہے۔ ان پتھروں کے درمیان میں کہیں کہیں چھوٹے چھوٹے شگاف ہیں جن سے غار میں ہواآتی رہتی ہے۔غار کے اندر ذرہ سا جھک کر اپنے سر کو چٹان سے بچاتے ہوئے داخل ہونا پڑتا ہے

غار کے داخلے پر اب دو مصلٰوں کے بچھانے کی گنجائش ہے …البتہ دائیں ہاتھ پر فرش سے آٹھ انچ بلند تھوڑی سے ہموار جگہ ہے جس پر سنگ مرمر کی چند سلیں جڑی ہیں اور جب بہت زیادہ ہجوم ہو جاتا ہے توایک ہلکے جسم کا آدمی بیٹھ کر بمشکل نفل پڑھ سکتا ہے ورنہ گنجائش نہیں ہے۔

سرور منیر راؤ
"بہ شکریہ روزنامہ ’’نوائے وقت

↧

کیا ہے تو نے متاعِ غرور کا سودا

May 12, 2015, 1:14 am

≫ Next: Truck art in Pakistan

≪ Previous: غار حرا پر ایک شام

کس قدر حیرت اور تعجب کی بات ہے کہ ہم جسے حقائق کی دنیا کہتے ہیں اور جس میں کامیابی و ناکامی پر قوموں کے عروج و زوال کی داستانیں رقم کرتے ہیں میرا اللہ اسے ’’متاعِ غرور‘‘ یعنی دھوکے کا سامان کہتا ہے۔ یہ دنیا اگر کسی سیاستدان، بادشاہ، سائنسدان، دانشور یا کالم نگار نے تخلیق کی ہوتی تو میں یقیناً اسے حقائق کی دنیا تسلیم کر لیتا اور اپنا تمام ماتم دنیا میں کامیابی اور ناکامی سے منسلک کر دیتا۔ لیکن میں کیا کروں، میرا کامل ایمان ہے کہ یہ دنیا اللہ تبارک و تعالیٰ نے تخلیق کی ہے اور وہ اس دنیا کی اس سے زیادہ تعریف نہیں فرماتا کہ یہ دھوکے کا سامان ہے۔ سید الانبیاء ﷺ نے اس دنیا میں رہنے، زندگی بسر کرنے یا ایک معلوم وقت گزارنے کے لیے اس دنیا کی جو تعریف کی ہے اور جس طرح اس کی بے وقعتی کی طرف اشارہ کیا ہے اس سے خوبصورت اس دنیا کو بیان ہی نہیں کیا جا سکتا۔

اس دنیا سے جانے کے بعد بھی ایک لامتناہی زندگی ہمارا مقدر ہے اور ہم ایک تھوڑے سے وقفے کے لیے اس عارضی پڑاؤ یا ٹرانزٹ لاؤنج میں آئے ہیں۔ اللہ نے ہمارا یہ سفر اور یہ عارضی پڑاؤ ایک خاص مقصد کے لیے تخلیق کیا ہے۔ وہ فرماتا ہے کہ ’’ہم نے موت اور حیات کو تخلیق کیا ہے تا کہ دیکھیں کہ تم میں سے اچھے اعمال کون کرتا ہے‘‘ (الملک)۔ حیرت کی بات یہ ہے کہ اچھے اعمال کی تعریف میں نہ عبادات آتی ہیں اور نہ ہی دنیا کی مادی کامیابی۔ عبادات تو ایک فرض ہے کہ جسے آپ نے اللہ کے حکم کے مطابق ادا کرنا ہے جب کہ ’’اچھے اعمال‘‘ تو آپ کا وہ تمام طرز عمل ہے جو آپ اس ’’عارضی پڑاؤ‘‘ میں اختیار کرتے ہیں۔

آپ جھوٹ نہیں بولتے، دھوکا نہیں دیتے، وعدہ خلافی نہیں کرتے، غیبت نہیں کرتے، قتل نہیں کرتے، ملاوٹ نہیں کرتے، لوگوں کا مال ہڑپ نہیں کرتے، اپنے کمائے ہوئے مال سے قرابت داروں، یتیموں، بیواؤں، مسکینوں اور ضرورت مندوں کی مدد کرتے ہیں، آپ والدین کی خدمت کرتے ہیں اور ان کے سامنے اف تک نہیں کرتے، آپ اولاد کی نیک اور صالح اصولوں پر پرورش کرتے ہیں، آپ زنا نہیں کرتے، آپ غیر فطری فعل سے نفرت کرتے ہیں، غرض اعمال صالح کی ایک طویل فہرست ہے جو اللہ اور اس کے رسولﷺ نے بتائی ہے اور اسے ہی دنیا میں کامیابی اور ناکامی کا معیار بتایا ہے۔ آج اس ہنستی بستی دنیا کے ہر معاشرے میں انھی اچھے اعمال کو ہی معاشرے کی کامیابی کا معیار سمجھا جاتا ہے۔

دنیا کا کوئی صاحب عقل شخص کسی معاشرے یا سوسائٹی کی خوبصورتی کی تعریف کرتا ہے تو وہ کبھی یہ نہیں کہتا کہ وہاں بلب کتنے بنتے تھے، کاریں کتنی تھیں، پل کس قدر تھے، بلند و بالا عمارتیں کتنی تھیں، بلکہ وہ معاشرے کی خوبصورتی کا معیار اس ماحول کی انسانی اقدار سے لیتا ہے۔ وہاں چوری، ڈاکہ، زنا بالجبر، دھوکا، فریب، جھوٹ، قتل، اغوا اور دیگر جرائم کسقدر کم ہیں، وہاں انسان نے انسانوں کی فلاح کے ادارے کس قدر قائم کر رکھے ہیں۔ وہ اپنے بوڑھوں، معذوروں، یتیموں اور بیواؤں کا کس طرح خیال رکھتے ہیں۔ تاریخ اس بات پر شاہد ہے کہ انسان آج کے اس ترقی یافتہ دور سے کہیں زیادہ بہتر طریقے سے یہ اچھے اعمال ان معاشروں میں کرتا تھا جنہوں نے موجودہ شہری زندگی یعنی ’’اربن لائف‘‘ کی شکل تک نہیں دیکھی تھی اور آج بھی دنیا بھر کے دیہی معاشرے انسانی ہمدردی اور اچھے اعمال میں ترقی یافتہ دنیا سے کہیں آگے ہیں۔

دنیا کی کسی سائنسی اور مادی ترقی کا کوئی تعلق انسان کی اخلاقی اور معاشرتی ترقی سے نہیں ہے بلکہ دنیا میں کارپوریٹ کلچر نے بدترین اخلاقیات کی بنیاد رکھی ہے۔ اپنی کاروباری سلطنت کی وسعت کے لیے انھوں نے جنگیں کیں، ملکوں پر قبضے کیے، دھوکے اور فراڈ سے مال بیچ کر کمپنیوں کے سرمائے میں اضافہ کیا، اسی زمین پر کروڑوں لوگوں کا خون بہایا اور آج بھی بہایا جا رہا ہے۔ پوری انسانی تاریخ میں اس قدر انسان قتل نہیں ہوئے جتنے موجودہ مادی ترقی کی دوڑ میں ہوئے۔ جنگ عظیم اول سے لے کر عراق کی جنگ تک کیا ٹیکنالوجی انسانوں کی فلاح، امن اور سکون کے لیے استعمال ہوئی۔ ہر گز نہیں۔ بلکہ یہ صرف اور صرف انسانوں کو صفحہ ہستی سے مٹانے کے لیے استعمال ہوئی۔

کیا ہم کسی عارضی پڑاؤ یا ٹرانزٹ لاؤنج میں مستقل پڑاؤ کا رویہ رکھتے ہیں۔ کیا ہم کسی ایئر پورٹ، ریلوے اسٹیشن، یا بس اڈے پر کچھ دیر کے لیے رکیں اور ہم سب کو علم ہو کہ ہماری بس، ٹرین یا جہاز نے کسی بھی وقت آ جانا ہے اور ہم نے چند لمحے اس ٹرانزٹ لاؤنج میں گزارنے ہیں تو ہمارا رویہ کیا ہو گا۔ ہم زیادہ سے زیادہ ایک دوسرے کو آرام پہنچانے کی کوشش کریں گے، کسی چیز کو اپنی مستقل ملکیت تصور نہیں کریں گے، ہم بس، ٹرین یا جہاز پر سوار ہوتے ہوئے پریشان نہیں ہوں گے، اس لیے کہ ہمیں یقین ہو گا کہ اگلی سواری پر میرے باپ بھائی، بیوی بچوں اور دوستوں نے بھی میرے ساتھ آ کر مل جانا ہے اور جو پہلے چلے گئے ہیں، میں ان سے جا کر ابھی ملاقات کر لوں گا۔

ہمیں ٹرانزٹ لاؤنج میں کونسے لوگ زیادہ اچھے لگتے ہیں، وہی جو ہم پر سب سے زیادہ مہربان ہوں، جو اپنی جگہ ہمارے لیے چھوڑ دیں، اپنا آرام ہمارے لیے قربان کر دیں۔ دنیا میں بڑے سے بڑے مادہ پرست کو بھی جب اور جہاں اس بات کا یقین ہو جائے کہ وہ یہاں صرف چند لمحوں کے لیے آیا ہے اور پہلی فلائٹ پر چلا جائے گا تو اس کا رویہ بدل جاتا ہے۔ وہ مستقل رہائش کے بندوبست اور سامان نہیں کرتا۔ ’’متاع غرور‘‘ اور عابر السبیل‘‘ یہ دو تصورات ہیں جو انسانی دنیا کو خوبصورت بناتے اور انسانی کامیابی کے اصول متعین کرتے ہیں۔ دنیا کے ہر مہذب معاشرے میں ہر جائز و ناجائز طریقے سے دولت کما کر اپنی معاشی سلطنت بڑھانے والا محترم نہیں گردانا گیا بلکہ اپنی معاشی سلطنت مستحق افراد میں بانٹنے کے بعد اس عارضی پڑاؤ سے چلے جانے والا قابل احترام تصور ہوا ہے۔

دنیا کی اس حیثیت کو اگر ہم سمجھ لیں تو پھر ہمارے لیے اللہ کی ذات کا تصور اور کامیابی کا معیار سمجھنا آسان ہو جائے گا۔ اللہ انسانوں کو اپنی ہر نعمت ایک امتحان کے طور پر عطا کرتا ہے۔ امتحان یہ کہ وہ اس نعمت پر اس کا شکر ادا کرتے ہوئے اس سے کس طرح خلق خدا کی خدمت کرتے ہیں اور پھر ایسا کرنے پر اس کا وعدہ ہے کہ وہ نعمتوں میں اضافہ کرتا چلا جاتا ہے۔ مسلمانوں معاشروں اور حکومتوں میں جب یہ چلن عام رہا ان پر نعمتوں کی بارش ہوتی رہی۔ لیکن یہی چلن جب دوسروں نے اختیار کر لیا تو نعمتوں کا رخ ان کی جانب موڑ دیا گیا۔ اللہ کے ہاں کسی بھی معاشرے پر رحمتوں کی بارش ان کی ٹیکنالوجی میں ترقی کی بنیاد پر نہیں بلکہ اچھے اعمال کی صورت میں ہوتی ہے جو اس دنیا میں انسان کو بھیجنے کا مقصد ہیں۔ خالصتاً مادہ پرستی کی کوکھ سے ظلم، زیادتی، ناانصافی اور جبر برآمد ہوتا ہے جس کا تجربہ آج پوری دنیا کو ہے۔

انسان کی ساری ترقی کا صرف اور صرف ایک ہی اعلیٰ اور ارفع مقصد ہوتا ہے اور وہ ہے پرسکون زندگی۔ اگر وہی حاصل نہ ہو سکے تو ساری جدوجہد ناکام۔ کیا پوری انسانیت کی جدوجہد ناکام نہیں۔ کیا پوری انسانیت بے چینی، بے اطمینانی، خوف، غربت، افلاس، جنگ، جہالت، ظلم اور قتل و غارت سے عبارت نہیں۔ ہر معاشرے کی اپنی بے چینی اور اضطراب ہے۔ ترقی یافتہ ملکوں کا اپنا اور ترقی پذیر اور پسماندہ ملکوں کا اپنا۔ اس لیے کہ موجودہ دنیا کے ہر تجزیہ نگار، معیشت دان، سیاسی ماہر نے ترقی کا ایک ہی پیمانہ بنا رکھا ہے۔ یعنی مادی ترقی، معیشت، ٹیکنالوجی اور مادی سہولیات میں ترقی۔ یہ ہے متاع غرور کا سودا۔
دھوکے کے سامان سے محبت، دھوکے کے سامان کو ترقی کی معراج سمجھنا۔ یہ دھوکے کا سامان ہر کسی کو اس کے مزاج، حیثیت اور مقام کے مطابق دھوکا دیتا ہے۔ ٹرانزنٹ لاؤنج میں بیٹھے لوگ اپنی فلائٹ کے لیے زیادہ بے چین ہوتے ہیں، انھیں جلد اپنی منزل پر پہنچنے کی دھن مضطرب کر رہی ہوتی ہے۔ ہمیں یقین ہی نہیں کہ ہماری کوئی منزل ہے، ہم تصور کیے بیٹھے ہیں کہ ہماری فلائٹ کینسل ہو چکی ہے۔ ہم ٹرانزٹ لاؤنج سے اسقدر محبت کرتے ہیں کہ ہمیں اسی کے اجڑنے پر اپنی زندگی اجڑنے کا گمان ہونے لگتا ہے۔ اس سے زیادہ دھوکے کا سامان اور کیا ہو سکتا ہے۔ اقبال نے اس قرانی اصلاح کا کیا خوب شعری اظہار کیا ہے؎

کیا ہے تونے متاعِ غرور کا سودا
فریب سود و زیاں لا الہ الا اللہ

اوریا مقبول جان
"بشکریہ روزنامہ ’’ایکسپریس

↧

Truck art in Pakistan

May 13, 2015, 1:19 am

≫ Next: ماں کی مامتا

≪ Previous: کیا ہے تو نے متاعِ غرور کا سودا

Truck painting is a popular form of indigenous art in Pakistan and featuring floral patterns and poetic calligraphy. Truck painting is also practiced in other South Asian countries.

General practice of truck decor

Many trucks and buses in Pakistan are highly customized and decorated by their owners and are commonly known as jingle trucks. External truck decoration can cost from $3,000 to $5,000. Decoration may include structural changes, paintings, calligraphy, and ornamental decor like mirror work on the front and back of vehicles and wooden carvings on the truck doors. Depictions of various historical scenes and poetic verses is also common. Outfitting is often completed at a coach workshop.

Decor style of major regions

Karachi is a major city center for truck art, though there are other hubs in Rawalpindi, Swat, Peshawar, Quetta and Lahore. Trucks from Balochistan and Peshawar are often heavily trimmed with wood, while trucks from Rawalpindi and Islamabad often feature plastic work. Camel bone ornamentation is commonly seen in trucks decorated by artists from Sindh.

↧

ماں کی مامتا

May 14, 2015, 12:04 am

≫ Next: قائم علی شاہ کا استعفیٰ ؟

≪ Previous: Truck art in Pakistan

↧

قائم علی شاہ کا استعفیٰ ؟

May 17, 2015, 12:05 am

≫ Next: سب پر شبہ کرنا پڑے گا....وسعت اللہ خان

≪ Previous: ماں کی مامتا

↧

سب پر شبہ کرنا پڑے گا....وسعت اللہ خان

May 18, 2015, 6:40 am

≫ Next: بے قصوروں کو پھنسا کر دہشت گردی ختم ہوسکتی ہے؟

≪ Previous: قائم علی شاہ کا استعفیٰ ؟

یہ تو بہت اچھا ہوگیا کہ اصل مجرم کی تشخیص ہوگئی اور فوجی قیادت، کلیدی انٹیلی جنس ایجنسیاں، شریف حکومت اور پاکستانی دفترِ خارجہ کم ازکم اس پر باہم متفق ہو گئے کہ کراچی اور بلوچستان سمیت ملک میں دہشت گردی کی تازہ شدت کی ذمہ دار بھارتی انٹیلی جینس ایجنسی ’را‘ ہے۔

فوری سبب پاکستان چائنا اکنامک کوریڈور ہے جس سے بہت سوں کے سینے پر سانپ لوٹ رہے ہیں، لہٰذا اب بیرونی ریشہ دوانیوں اور امن و امان کے مسئلے سے ترجیحاً نمٹا جائے گا اور اس معاملے کو بین الاقوامی سطح پر بھی اٹھایا جائے گا۔

ظاہر ہے را ہو یا کوئی اور ایسا ہی ادارہ، اسے تخریبی کارروائیاں منظم کرنے کے لیے ایک مقامی نیٹ ورک کی ضرورت پڑتی ہے تبھی تو اسے ’خفیہ ہاتھ‘ کہتے ہیں۔ لہٰذا وہ کون سے مقامی افراد اور گروہ ہیں کہ جن پہ شبہ ہو سکتا ہے۔

پاکستان میں اگر واقعی امن و امان بہتر کرنا ہے تو پھر کچھ کو نہیں سب کو شبے کی سکریننگ سے گزرنا ہوگا۔ پھر ایسے فقرے کام نہیں آئیں گے کہ ’نہیں نہیں ایسا نہیں ہو سکتا، سوال ہی نہیں پیدا ہوتا کہ فلانہ ایسی حرکت کرے۔‘ ’میں قسم کھا سکتا ہوں کہ اس کا یا اس کی تنظیم کا دور دور تک اس معاملے سے کوئی واسطہ نہیں۔‘ ’ارے پاگل ہوگئے ہو کیا؟ اس سے بڑھ کے تو کوئی محبِ وطن ہو ہی نہیں سکتا۔‘

میر جعفر کوئی بنگالی مچھیرا نہیں تھا نواب سراج الدولہ کا بازو تھا۔ میر صادق کوئی معمولی سپاہی نہیں فتح علی اور ٹیپو کا کمان دار تھا اور پورنیا کوئی معمولی پٹواری نہیں ٹیپو کا وزیرِ مال تھا۔ حکیم احسن اللہ خان کوئی جزوقتی دربان نہیں بہادر شاہ ظفر کا معالجِ خصوصی اور وزیرِ اعظم تھا۔ وہ جو کہتے ہیں کہ مچھلی دم سے نہیں سر سے سڑنی شروع ہوتی ہے۔

یہ غیر معمولی لڑائی عوام کو اندھیرے میں رکھ کے نہیں لڑی جا سکتی ۔انھیں ثبوتوں کے ساتھ بتانا ہو گا کہ کون کون مقامی ہے جو غیرملکی کٹھ پتلی ہے۔ کن کن گروہوں کی پشت پناہ را ہے۔ کون سے افراد ’موساد‘ کے پے رول پر ہیں؟ کسے کسے ایرانی و سعودی و اماراتی نجی و سرکاری، خفیہ و اعلانیہ حمایت اور شہ حاصل ہے اور کون سی تنظیموں پر ’سی آئی اے‘ اور دیگر مغربی ایجنسیوں کا ہاتھ ہے۔

یا کم ازکم ان افراد اور تنظیموں کی فہرست عام کرنی ہوگی جو دہشت گرد یا ان کے حمایتی تو ہیں مگر ان کا جزوقتی یا کل وقتی کنکشن کسی اندرونی و بیرونی ایجنسی سے نہیں۔

یہ کہنے سے کام نہیں چلے گا کہ ایسے معاملات سڑک پر نہیں لائے جا سکتے کیونکہ نازک سفارتی مصلحتیں حائل ہیں۔ یا تو اپنی بقا کی آخری جنگ لڑ لیں یا پھر سفارتی مصلحتیں نبھاتے پھریں۔

مگر ایسے معاملات میں وفاقی وزیرِ داخلہ چوہدری نثار علی خان خاصے باخبر اور دوٹوک ہیں۔ وہ جانتے ہیں کہ تحریکِ طالبان ناراض اور بگڑے ہوئے بھائیوں کا بدظن گروہ ہے۔ اگر صفورہ گوٹھ میں بس کے اندر قتلِ عام کے بعد کوئی پمفلٹ برآمد ہو تو ضروری نہیں کہ اصلی ہی ہو ۔ویسے بھی پاکستان میں داعش کا اب تک کوئی وجود نہیں۔

جب تک اس ملک کی حقیقی مالک عسکری و سیاسی اشرافیہ پوری تصویر اس ملک کے علامتی مالکوں (عوام) کے سامنے نہیں رکھے گی تب تک کیسے پتہ چلے کہ عام و خاص آدمی کے بھیس میں کون کون ہے اور کیوں ہے؟ یہ تاثر کون زائل کرے گا کہ جو اینٹی سٹیٹس کو ہیں وہ غیرملکی ایجنٹ ہیں اور جو پروسٹیٹس کو ہیں وہ غیر ملکی ایجنٹ نہیں۔

یہ بھی خوب ہے کہ بقول ڈی ایس پی راؤ انوار ایم کیو ایم را کی ایجنٹ ہے اور اسی ایم کیو ایم کا نمائندہ وزیرِ اعظم کی زیرِصدارت سکیورٹی معاملات کے اجلاس میں بھی مدعو کیا جاتا ہے۔ بلوچستان کی علیحدگی پسند تنظیمیں غیر ملکی ایجنسیوں کی فرنٹ کمپنیاں بھی ہیں اور وزیرِ اعلیٰ عبدالمالک کو یہ فریضہ بھی سونپا گیا ہے کہ وہ ان فرنٹ کمپنیوں سے رابطہ کریں۔

یہی تو وہ انٹیلی جینس، معاف کیجیے گا انٹیلی جینٹ ادائیں ہیں جن پر ایک دنیا مر مٹی ہے۔

(ایک موقر پاکستانی تھنک ٹینک انسٹی ٹیوٹ فار پیس سٹڈیز اسلام آباد کے تجزیہ کار کے مطابق پچھلے دس ماہ میں سکیورٹی ایجنسیوں نے قابلِ اعتماد معلومات کی بنیاد پر ملک بھر میں دس ہزار آپریشن کیے۔

مارچ سنہ 2015 میں پاکستان میں 60 دہشت گرد کارروائیاں ہوئیں مگر اپریل میں 50 ہوئیں جبکہ بلوچستان میں فروری میں 37، مارچ میں 24 اور اپریل میں 14 دہشت گرد حملے ہوئے۔

گویا مجموعی صورتِ حال قدرے بہتری کی جانب ہے اور اکنامک کوریڈور منصوبے کو ممکنہ خطرہ موومنٹ آف اسلامک ازبکستان، ترکمانستان اسلامک پارٹی، ٹی ٹی پی، دولتِ اسلامیہ اور القاعدہ سے ہے جبکہ سرکاری بیانیہ یہ ہے کہ چین پاکستان اکنامک کوریڈور کے سمجھوتے پر باضابطہ دستخطوں کے بعد پاکستان میں غیر ملکی مدد سے دہشت گردی میں اضافہ ہوا۔ کسے مانوں کسے نہ مانوں)۔

وسعت اللہ خان

بشکریہ
بی بی سی اردو ڈاٹ کام

↧

بے قصوروں کو پھنسا کر دہشت گردی ختم ہوسکتی ہے؟

May 19, 2015, 4:35 am

≫ Next: معیشت کا استحکام کیسے؟

≪ Previous: سب پر شبہ کرنا پڑے گا....وسعت اللہ خان

↧

معیشت کا استحکام کیسے؟

May 20, 2015, 12:14 am

≫ Next: نوجوانوں سے وابستہ امیدیں

≪ Previous: بے قصوروں کو پھنسا کر دہشت گردی ختم ہوسکتی ہے؟

↧

نوجوانوں سے وابستہ امیدیں

May 20, 2015, 12:42 am

≫ Next: معاشی ترقی یا استحکام - ڈاکٹر شاھد حسن

≪ Previous: معیشت کا استحکام کیسے؟

↧

معاشی ترقی یا استحکام - ڈاکٹر شاھد حسن

May 21, 2015, 12:13 am

≫ Next: The meadows of Kashmir

≪ Previous: نوجوانوں سے وابستہ امیدیں

↧

The meadows of Kashmir

May 21, 2015, 1:41 am

≫ Next: پاکستانی معاشرے کا ایک روشن پہلو

≪ Previous: معاشی ترقی یا استحکام - ڈاکٹر شاھد حسن

Kashmiri Bakarwals bring down goats and lambs from a vehicle after crossing a stretch of bad road as they are too young to travel long distances on foot, near Dubgan, 70 kilometers (43 miles) south of Srinagar. Bakarwals are nomadic herders of India's Jammu-Kashmir state who wander in search of good pastures for their cattle. Every year in April-May more than one hundred thousand people from the nomadic Bakarwal tribes arrive in the meadows of Kashmir and parts of Ladakh from areas of the Jammu region with their flocks of cattle and sheep. After crossing snowy mountains with their cattle and belongings, Kashmir valley's lush green meadows become their home from April to September, after which they begin their return journey. This seasonal shifting of âhomesâ ensures a regular flow of income for the families.

↧